KAK, DBU, aamma UEFA suleqatigiillutik sungiusaasunut tamanut – sungiusaasuusutut ilinniartitsineq neqeroorutigaat, ukiukkuutaarlugit eqimattanut qaffasissusaannulluunniit killeqartinnagit.

Sungiusaasumut ilinniarnermi sakkussanik, tunngavissanik isumassarsianillu tunioraasinnaavoq, sungiusaasutut atorfinnut piareersaassinnaallutit, peqatigiiffiit arsartartullu qanimut suleqatigalugit.

KAK-p kissaatigaa sungiusaasut ilinniartissallugit pitsaasumik angusaqarnissamik, nuna tamakkerlugu peqatigiiffinni tamani meeqqanut, inuusuttunut inersimasunullu nuannersunik misigisaqartitsineq aammalu nunarsuarmi qaffasissumi arsaattartunik pilersitsinissamut.

KAK-mi upperaarput sungiusaasut ilinniarsimasut arsaattartunik pilerisaarisinnaasut, piukkunnarsaasinnaasut ineriartortitsisinnaallutillu.

UEFA-p akuerisaatut sungiusaasunngorniarneq
Sungiusaasunngorniarlutit ilinniarusukkuit – C-nngorniarlutit qaffakkiartuaarlungit – aamma UEFA-p akuersissuteqarneranik immikkut pisinnaassuseqalerniarlutit, programmimi misilitseqataasutut peqataasariaqarputit.

Isikkammik arsaannermi sungiusaasunngorniarlutit ilinnialernissamut soqutiginnikkuit, KAK-p allaffeqarfianut attaveqarit.