Futsalimi ilinniartitsinerup ineriartortinnissaa anguniagaasimavoq angisooq, kattuffillu maanna ineriartortitsinissamut piareersimavoq nunaqavissut sungiusaasut ikiortigalugit, taakkua angalallutik peqatigiiffiit sungiusaasuinut soqutiginnittunullu tamanut futsalimik pikkorissartitsisinnaapput.

Futsalimi sungiusaammik nutaamik aaqqissuussineq

Ilinniartitsineq nutaarluinnarmik aaqqissuussaavoq, C1-imiit C2-imut teknikkimut periaatsimullu tunngatillugu tunngaviusumik ilisimasaqarneq aallartinneqarluni, pikkorissarnerup ingerlanerani 2-nik, 3-nik 4-nillu arsartartunik arsartarneq ilinniarneqartarpoq. 

Internetikkut ilinniarneq

KAK-p peqataanera aamma isumaqarpoq spaniamiut ilinniarfiutaat Profive Academy suleqatigalugu internetikkut pikkorissartitsisoqartalernissaa, tassani pikkorissarnerit assigiinngitsut nammineq piffissaqarfigisinnaasatit sukkassutsillu nammineq aalajangersinnaasatit atorlugit ingerlanneqarsinnaapput.

Pikkorissaaneq C1 akeqanngilaq, pikkorissaanerillu amerliartortillugit akiliisoqartassaaq.

Nittartakkakkut ilinniarneq uani ingerlanneqarsinnaavoq

“Siunissamut tunngaviliisoqartariaqarpoq timersoqatigiiffinni sungiusaasunilu, meeqqaniit inersimasunut.”